Home / Politics / మోడీ చేసిన పనికి, మన దేశ ఎంపీలే కాదు, వేరే దేశపు ఎంపీలు కూడా తిడుతున్నారు…

మోడీ చేసిన పనికి, మన దేశ ఎంపీలే కాదు, వేరే దేశపు ఎంపీలు కూడా తిడుతున్నారు…

భారత్ ప్రపంచంలోనే అతి ఎత్తైన సర్దార్‌ పటేల్‌ విగ్రహం నిర్మించడం ఓ చెత్తపని అని బ్రిటన్‌కు చెందిన ఓ ఎంపీ తప్పుపట్టారు. ఒక పక్క తమ నుంచి రూ.9,492 కోట్లను ఆర్థిక సాయం రూపంలో భారత్‌ తీసుకొందని.. అదే సమయంలో దాదాపు రూ.3వేల కోట్లు వెచ్చించి ఆ భారీ విగ్రహాన్ని నిర్మించిందని కన్జర్వేటీవ్‌ పార్టీ ఎంపీ పీటర్‌ బోన్‌ విమర్శించారు. అప్పులు తీసుకుంటూ అభివృద్దిని పక్కన పెట్టి, విగ్రహాలు నిర్మించడం ఏంటని బ్రిటన్‌ ఎంపి ఒకరు మండిపడ్డారు. ఆ మాత్రం దానికి తామెందుకు రుణం ఇవ్వాలని కూడా ప్రకటించారు. ప్రభుత్వం ప్రజలను తప్పుదోవ పట్టిస్తోందన్నారు. తాము ఐదేళ్లలో భారత్‌కు పలు ప్రత్యేక ప్రాజెక్టుల కోసం నిధులను అందజేశామని తెలిపారు.

modi 08112018 2

మహిళల హక్కులకు సంబంధించి, పునరుత్పాదక ఇంధన రంగంలోని ప్రాజెక్టులు, మతపరమైన సహనం పెంపొందించడానికి ఈ నిధులను సాయం రూపంలో అందించామన్నారు. ‘స్టాట్యూ ఆఫ్‌ యూనిటీ’ వంటి ప్రాజెక్టులకు భారత్‌ వేలకోట్ల రూపాయలు వెచ్చించగలుగుతున్నప్పుడు ఇక తాము సాయం చేయాల్సిన అవసరం లేదన్నారు. మరికొందరు ఎంపీలు కూడా పీటర్‌ అభిప్రాయంతో ఏకీభవించారు. కొన్నేళ్లుగా యుకే భారత్‌లోని వివిధ పథకాలకు ఆర్థిక సాయం అందజేస్తోంది. 2012లో 300 మిలియన్‌ పౌండ్లు, 2013లో 268 మిలియన్‌ పౌండ్లు, 2014లో 278 మిలియన్‌ పౌండ్లు, 2015లో 185 మిలియన్‌ పౌండ్లు అందజేసింది. ఇదే సమయంలో భారత్‌లో భారీ పటేల్‌ విగ్రహ నిర్మాణం ప్రారంభమైంది. వేగంగా అభివృద్ధి చెందుతుండటంతో భారత్‌కు ఆర్థిక సాయం ఆపేయాలని బ్రిటన్‌లోని పలు వర్గాలు డిమాండ్‌ చేస్తున్నాయి.

modi 08112018 3

ప్రపంచంలోనే అతిపెద్దదిగా ఇటీవల గుజరాత్ లో ప్రారంభమైన సర్దార్ వల్లభాయ్ పటేల్ విగ్రహం రికార్డులకు ఎక్కింది. ఈ విగ్రహ ఏర్పాటును కేంద్ర ప్రభుత్వ, గుజరాత్ ప్రభుత్వం గొప్ప పనిగా అభివర్ణిస్తున్నాయి. అయితే, వివిధ పార్టీలు మాత్రం సర్దార్ విగ్రహ ఏర్పాటు పట్ల మిశ్రమ స్పందన వ్యక్తం చేశాయి. సర్దార్ గొప్పదనాన్ని ఎవరూ తక్కువ చేయలేరు, కానీ సుమారు రూ.3 వేల కోట్ల ఖర్చు విగ్రహం కోసం పెట్టడం అవసరమా అనే విమర్శలు వచ్చాయి. అయితే, పర్యాటకం అభివృద్ధి అవుతుందని, తద్వారా అదాయం పెరుగుతుంది అని గుజరాత్ ప్రభుత్వం, బీజేపీ విగ్రహ ఏర్పాటును సమర్థించుకున్నాయి.

About admin

Check Also

అర్ధరాత్రి ఒక పక్క రేవంత్ అరెస్ట్, అదే సమయంలో గచ్చిబౌలిలో రేవంత్ ఆస్థుల పై, వైసీపీ నాయకుడి దౌర్జన్యం

గచ్చిబౌలి పరిధిలోని గోపన్‌పల్లిలో సర్వే నంబరు 126, 127లో ఉన్న కాంగ్రెస్‌ కార్యనిర్వాహక అధ్యక్షుడు రేవంత్‌ రెడ్డి ఫామ్‌ హౌస్‌ …

Leave a Reply

Your email address will not be published. Required fields are marked *