Home / News / యరపతినేని టార్గెట్ గా, ఆయన బంధువుల ఇళ్ళ పై విరుచుకుపడిన ఐటి అధికారులు..

యరపతినేని టార్గెట్ గా, ఆయన బంధువుల ఇళ్ళ పై విరుచుకుపడిన ఐటి అధికారులు..

కేంద్రం నుంచి వచ్చిన ఆదేశాలు మేరకు, ఐటి అధికారులు ప్రతి రోజు ఎక్కడో ఒక చోట ఐటి దాడులు చేస్తున్నారు. వివధ రాష్ట్రాల నుంచి వచ్చిన ఐటి అధికారులు, అచ్చంగా ఏపిలోనే నివాసం ఉంటున్నారా అనే విధంగా, గత 20 రోజుల నుంచి, ఎక్కడో ఒక చోట దాడులు చేస్తూనే ఉన్నారు. అయితే రాష్ట్రంలో ఐటీ అధికారులు సోదాలు ఇంకా కొనసాగుతున్నాయి. నిన్న గుంటూరులో టీడీపీ నేత, ఎల్‌వీఆర్ క్లబ్ కార్యదర్శి ఇంట్లో సోదాలు జరిపిన ఐటీ అధికారులు ఈ రోజు మళ్ళీ విశాఖలో తనిఖీలు చేపట్టారు. టీడీపీ ఎమ్మెల్యే యరపతినేని శ్రీనివాస్‌‌ టార్గెట్ గా ఆయన బంధువు, పేరం గ్రూప్ అధినేత ఇళ్లు, కార్యాలయంలో ఐటీ అధికారులు సోదాలు నిర్వహించారు.

నిన్న ప్రముఖ వ్యాపారి, టీడీపీ నేత, గుంటూరు వాసులకు గ్యాస్‌ నానిగా సుపరిచితుడైన కోవెలమూడి రవీంద్ర (నాని) ఇల్లు, కార్యాలయంలో ఐటీ అధికారులు సోదాలు నిర్వహించారు. సోమవారం ఉదయం ఆరు గంటలకే సుమారు 16 మంది ఐటీ అధికారులు మూడు బృందాలుగా విడిపోయారు. లక్ష్మిపురం మెయిన్‌ రోడ్డులో ఐటీ కార్యాలయానికి కూతవేటు దూరంలో ఉన్న నాని ఇల్లు, కార్యాలయంతో పాటు బ్రాడీపేట 3వ లైన్‌లోని గ్యాస్‌ ఏజెన్సీ కార్యాలయంలో కూడా విస్తృతంగా సోదాలు నిర్వహించారు. రవీంద్ర నా వద్ద ఎటువంటి డబ్బు లేదు, మీరు అన్నీ చూసుకోవచ్చు అని స్పష్టం చేసినట్లు తెలిసింది. పలు డాక్యుమెంట్లను స్వాధీనం చేసుకొని తమతో తీసుకొని వెళ్లిన ఐటీ అధికారులు… నానిని కార్యాలయానికి వచ్చి కలవాలని చెప్పారు.

కొద్ది రోజులుగా టీడీపీ నేతలు, వారికి ఆర్థిక సహకారం అందించే వ్యాపార వేత్తలపై ఐటీ దాడులు జరగవచ్చంటూ విస్తృతంగా ప్రచారం జరుగుతోంది. ఈ నేపథ్యంలో జిల్లా తెలుగుదేశం పార్టీలో క్రియాశీలకంగా వ్యవహరిస్తూ పార్టీ కార్యక్రమాలకు ఆర్థిక సహకారం అందిస్తుండే కోవెలమూడి రవీంద్రపై ఐటీ దాడులు జరగడంతో కలకలం రేగింది. రవీంద్రపై దాడితో వ్యాపార వర్గాలు ఉలిక్కిపడ్డాయి. విషయం తెలుసుకున్న పార్టీ శ్రేణులు పెద్ద సంఖ్యలో ఆయన నివాసం వద్దకు చేరుకున్నాయి. సోదాలు పూర్తయ్యే వరకు వారంతా రోడ్డుపైనే ఉండిపోయారు. అధికారుల బృందం వెళ్ళిన తరువాత పార్టీ శ్రేణులు నానీని కలిసి పరిణామాలపై చర్చించాయి. అయితే ఈ విషయమై అటు ఐటీ అధికారులు కానీ ఇటు నాని కానీ స్పందించేందుకు నిరాకరించారు. బీజేపీ కక్షసాధింపు చర్యల్లో భాగంగానే ఈ దాడులు జరుగుతున్నాయంటూ టీడీపీ శ్రేణులు ఆరోపించాయి.

About admin

Check Also

పల్నాడు గడ్డపై లోకేష్‌కు గొప్ప సర్‌ప్రైజ్ ఇచ్చిన శీనన్న!

పల్నాడు పర్యటనలో కనివిని ఎరుగని రీతిలో జనం బ్రహ్మ రథం పట్టడంతో మంత్రి లోకేష్‌ మంత్ర ముగ్ధుడయ్యారు. వేలకోలది బైకులు, …

Leave a Reply

Your email address will not be published. Required fields are marked *